阿特蘭大遇弱過關首選

2020-01-20 15:46:22 来源:网络

今晚阿King睇中意甲阿特蘭大,佢哋啱啱仲喺意盃出局,今仗主場對包尾嘅史帕爾,誓要踢場翻身仗,就算讓兩球照捧讓球主勝。(myTV Gold 301、now 638、有線654及614台周二凌晨3時45分直播)

阿特蘭大上輪聯賽因路爾斯梅利爾射失12碼,只能賽和國米1比1,上周中喺意盃16強作客費倫天拿,更喺打多1人下輸1比2被踢出局。不過艾真度高美斯、伊利錫該役只係後備入替,明顯唔在乎意盃。阿特蘭大之前2場主場聯賽,合共豪贈AC米蘭同帕爾馬10蛋,相反包尾嘅史帕爾近6仗聯賽輸5場,造訪阿特蘭大聽做炮灰。

至於法足盃32強,業餘球隊聖派維喺中立場出戰法甲勁旅摩納哥,聖派維上圈爆大冷淘汰圖盧茲,不能忽視,摩納哥自新帥羅拔圖摩蘭奴上任後,踢法更加有前冇後,連續2仗惡鬥巴黎聖日耳門,合共炮製11個士哥,今仗3.5球嘅大盤咪走雞。(myTV Gold 302、now 639、有線655及615台周二凌晨3時55分直播)最後英冠西布朗主場對史篤城,適逢「2哥」列斯聯今輪輸波,榜首嘅西布朗贏波就可甩開4分,遇上近6場作客5敗嘅史篤城實去盡,主勝必捧。

奥迪校园_